Programa – Occitan

Las jornadas se debanaran al 42 Carrièra dels Blanquièrs, 31000 Tolosa.

Divendres

– 19h : Debat sus la necessitat d’un occitanisme feminin.

Lo 8 de març es la Jornada mondiala de las femnas en lucha. Arrapam aquesta occasion per organizar una taula redonda sus l’occitanisme e la lucha feminina. La lucha de las femnas n’es pas presenta dins lo combat occitanista e pertant las femnas que son al còr del movement notament pel biais de las calandretas (mairas engajatdas, regentas etc) e del movement cultural. L’occitanisme se deu de tornar posar aquesta question e d’o tornar plaçar al centre de la lucha.

D’intervenentas eissidas del movement occitanista seran presentas.

Dissabte Matin:

– Gilets Jaunes d’Occitània : un territòri en revòlta. (Durada 2h30)

– 9h30 : Lo movement dels Gilets Jaunes ven dobrir una novèla temporada de la lucha de las classas en exagòn mas tanben en Occitània. D’occitanistas organizats èran presents al còr del movement. Occitània es particularament tocada per aqueste movement mentre que n’i a pas de reivendicacion plan occitanista. L’intensitat del movement en çò nòstre s’explica per mantunas problematicas pròprias (nacion somesa sens poder, la seculara division vila/campanha, mas tanben metropòlis/periferias, Paris/’provincias’) al pòple occitan e a Occitània.

Vos prepausaram donc una analisi històrico-politica, e socio-economica del movement dels Gilets Jaunes. Serà seguida d’una discussion a l’entorn de la necessitat de l’implicacion de l’occitanisme (politic e cultural) dins lo movements social. Los Gilets Jaunes qu’an tanben usar diverses mejans d’accions que l’occitanisme ne podriá s’apoderar.

Miègjorn : Restauration

Dissabte Vespre:

– 13h30 : Occitanisme cap a una novèla era politica. (Durada 2h30)

L’occitanisme viu un cambiament pregond. Sèm a l’ora d’una virada istòrica ont lo politic deu tornar al centre del projècte occitanista. Los occitanistas afirman que l’occitanisme es en crisi, mas una crisi es un momentòt, e que produit los esplèchs de son despassament.
Prepausam un debat ont mantuns actors politics de l’occitanisme partajaran lo lor punt de vist.

– 16h : Pause 30mn

– 16h30 Liberacion nacionala e Etat francés, quin camin ? ( Durada 2h)

La question nacionala dins son ensemble crespa lo debat politic : Independentisme, regionalisme, autonomisme o soleta revendication culturala prenon de proporcions demesuradas dins la republica francesa. Aquò mòstra qu’aquestas questions sont luènh d’èsser subsidiaras e son al còr del problèma francés. Son doncas una linha de demarcacion centrala dins lo camin cap a la construccion d’una societat novèla. Las nacions dominadas an doncas un ròtle de primier òrdre per bastir un monde novèl.
A l’entorn d’aquesta idèia, recebrem d’organisacions de nacions sens estat de l’Estat francés. L’objectiu es de téisser de ligams per un internacionalisme interior e d’escambiar sus nòstras experiéncias.

– 18h30 : fin discu

– 18h45 : Acte politic

– 19h : Aperitiu e musica

– 22h : fin de la jornada

Dimencha :

– Vespre : L’eleccion de Bolsonaro en Brasil foguèt una estomagada per fòrça democratas e revolucionaris dins lo monde. Vos prepausaram una analisi per compréner aquesta eleccion, son contexte e sos enjòcs. Vos prepausaram una presentacion de la lucha dels païsans sens terra en Brasil, cor del movement revolutionari Brasilenc.


MEL DE CONTACTE : jioc@protonmail.com

Propulsé par WordPress.com.

Retour en haut ↑

Créer un nouveau site sur WordPress.com
Commencer
%d blogueurs aiment cette page :